余迪偉鄒凱光搞High觀眾
電台節目主持鄒凱光及余迪偉下月將孖住開Talk Show，將兩人平日咪後「唔出得街」的鹹濕嘢「發揚光大」，他們直言：「要令人聽到好High、好Horny！」
電台節目主持鄒凱光及余迪偉十月廿二、廿三日舉行兩場「爆響口之唔出得街」，直言會大講「少少鹹多多趣」鹹濕嘢，鄒凱光謂：「總之要令人唔好尷尬、唔好猥褻、要令人聽得好舒服！」身旁的余迪偉即補充：「仲要聽到好High、好Horny！」在電台合作無間的他們默契十足，鄒凱光坦言這個騷早在三年前已構思：「我哋最夾係講鹹嘢，咪後唔出得街嗰啲最好笑，於是三年前已經想開個騷，不過當時電台唔畀，覺得我哋講唔夠勁！」
話題樂而不淫
由於內容會涉及自瀆及性的話題，他們直言十八歲以下嚴禁進場，鄒凱光說：「今次呢個爆響口唔係講人秘密嗰啲，而係成年人嘅諗法喎，不過我哋唔會好教誨，都係想大家開開心心笑吓，我哋唔係想教啲人唔好濫交，因為濫交嘅人反而仲識得保護自己！（講粗口？）可能會有，但唔係計算到嘅位，我哋都覺得如果要討論粗口呢個話題，就會變得Bad Taste，我哋係樂而不淫！」
周秀娜任嘉賓
余迪偉認為現時的人對性的知識很貧乏：「依家教性教育嘅人都冇性生活嘅，例如點解啲人會覺得畀個避孕套阿女去聖誕Party，就等於鼓勵佢發生性行為？好多嘢唔係臨出門口之前先教，應該係之前已經有教育。」另外，他們更會邀請藝人擔任嘉賓，屆時在台上大講成人話題，余迪偉透露：「已經請咗官恩娜、周秀娜同羅仲謙，依家仲邀請緊其他人。」
文、攝：盧坤穎