追擊Lynn 博突圍 黃淑玲網教谷胸秘笈
曾被封「翻版熊黛林」的馬來西亞小姐冠軍黃淑玲（Sherine），以性感姿態闖模界，她揚言不是天王嫂，為了突圍而出，會於網上短片親自教谷胸秘笈，實行博取貪靚fans歡心追擊Lynn（熊黛林）！
擁有44吋誘人長腿的Sherine，早年獲陳妙瑛賞識邀任美容院代言人，後來突然消失娛樂圈，原來07年她斥資幾十萬與友人合資開夜店，惜當時經濟差結業收場，令她十分肉赤：「好彩我性格幾硬淨，跌低咗可以再嚟過！」未有氣餒的Sherine轉到台灣、馬來西亞和北京發展模特兒事業，至近日認識周汶錡前經理人周珍妮，始決心留港發展，內地事業則由吳佩慈前公司稻草人為她經營。
唔係天王嫂
Sherine曾被封為「翻版熊黛林」，她不擔心o靚模當道，認為只要每件事做到最好，定會獲得認同：「我知道喺香港做model，好多時靠緋聞八卦新聞上位。（你指阿Lynn熊黛林？）好多人都係咁，我唔係講佢，不過我亦唔係天王嫂囉，哈哈！」Sherine說目前經理人為她籌備網上短片，拍攝「谷胸秘笈」，分享扮靚心得，吸納志同道合的靚女認識她：「呢個幾實際，同人傳緋聞係好快上位，但我暫時都想靠自己先，等多啲人認識。」
伸展事業線
說到「谷胸秘笈」，Sherine說：「專門教女生點將事業線伸展，呢個係經理人嘅構思，我都覺得幾得意，我喺台灣行過唔少內衣騷，知道好多提升事業線嘅秘訣，希望可以幫到大家啦！」至於性感底線一定不能露點，着bra內褲都可以接受，她說：「性感係一種感覺，當你mood到就算着件恤衫，都可以好性感。」
文：呂曉風 攝影：黃叔榮
場地：Vegas Beauty Laboratory
化妝： Lauren Tse
髮型：t.k Leung@beauty tech