苟芸慧搣甩5磅爭做CM女王
於無綫新人當中，苟芸慧可算是可塑性較高一位，因而不時受到廣告商垂青，日前便拍了服裝品牌廣告，之後又會接拍纖體廣告，她為此先嘗七日「絕食」減肥，減去五磅令上鏡更靚！
苟芸慧最近除了忙於為新一屆的中華小姐宣傳外，樣靚身材正的她亦在廣告界甚吃得開，日前就以滿意的酬勞接拍服裝品牌廣告。拍攝當日，苟芸慧換了十多套衫，又大擺可愛甫士，她笑言入行後衣着改變不少：「以前着衫好casual，唔使開工就舒服為主，依家畀公司話得多就開始注意形象，唔可以太求其！」稍後，她將拍攝一個美容及纖體廣告，現正積極keep fit，除每日做gym，更試過一整星期只飲水不吃東西。她說：「試過七日唔食嘢只飲水，排毒減肥，真係頂唔順就飲湯，（辛苦？）頭三日好難受，之後慣咗，結果減咗五磅，依家慢慢食番正常餐，之後再跟營養師指導同做機。」
父母擔心
由於父母都居住於多倫多，對獨居香港的苟芸慧固然分外擔心，每當看見她的新聞，都會打長途電話慰問一番，她笑言：「佢哋好擔心我o架！見到報道話我減肥，又怕我唔夠營養，其實唔只佢哋，就連其他親朋都會打畀我，所以自己都唔希望太多負面新聞，令佢哋擔心。」
文：影視組