李莉琳重口碑懶理票房
「翻版大S」李莉琳（Liz）未有留意有份參演的新片《囡囡》票房，卻在意觀眾看完的感受，她說：「自己唔係主角，但喺朋友嘅Blog睇到佢哋有入場欣賞，對套戲有感受，反而仲開心，加上可以同金像獎新進導演畢國智合作，已好滿意。」問到被詩雅等主角搶盡風頭，可會覺得不快？她Man爆地說：「點比呀？我戲份唔多，唔會介意啦，海報有我個名已經好開心！」
Liz滿意是次表現，她說：「OK啦，戲中畀援交女仔搶我男友。（有被搶男友而演得特別投入？）冇試過，我啲男友唔會令人有興趣搶架！」除拍戲外，她要為推出的月曆做準備，她說：「公司十個女仔會出一個月曆，開過會，未知自己個造型，但唔係淨係睇肉，係有故事性。（實際內容？）哈哈，可能我會扮男人呢？」
攝：李廣成
服裝：bread n butter