李蘊早前為某攝影大賽行騷，面對四十個攝影發燒友拍照，李蘊自言都有啲驚，但很想試下行騷的滋味。早前，李蘊推出了唱片及寫真，問她銷量如何？她表示：「雖然銷量滿意，但因成本太高，所以都係打和，好彩老闆都會投資第二張唱片，我依家錄緊音。」
最近考了車牌的李蘊，這幾天日日揸車開工，李蘊自言最驚撞到公物，所以會格外小心，每當上到少車的高速公路才放心暢快過揸車癮。問她可有被撩鬥車？李蘊表示沒有，反而試過在隧道口插隊，並且有一番「讓路」見解，李蘊笑言：「我專搵啲兇神惡煞嘅人讓路，佢哋實會幫手讓，反而一啲斯斯文文嘅，我揚極手都唔會理，呢個世界真係人不可以貌相。」李蘊中五畢業，她揚言希望繼續進修，並希望將來有機會帶媽咪去日本玩，回報母親辛勞。
