DaDa開鏡失蹤翹起周柏豪
o靚模盧頌之（DaDa）在電台劇集《有房出租》中飾演周柏豪女友，但首日開工竟突然玩失蹤，令全體演員呆等兼拍攝工作叫停，監製一怒之下決定「飛甩」DaDa換上楊愛瑾，更暗寸DaDa不是專業演員。
o靚模DaDa Lo日前與周柏豪、官恩娜及唐寧等人出席《有房出租》開鏡，劇集並於本周一正式開拍，據幕後人士爆料，當日DaDa因失場被棄用，而DaDa的經理人為補鑊即推薦旗下另一o靚模頂替角色，卻慘食檸檬遭監製張少馨婉拒，監製最終邀得合作無間的楊愛瑾擔任周柏豪女友。
入院解釋牽強
周柏豪昨日急不及待將與楊愛瑾的合照放上微博，並抵死寫下：「我們拍拖了，這三個月她將會是我女朋友。」
記者昨日致電DaDa，她支吾以對說：「你打去我公司問啦。」隨即掛線，DaDa經理人Roy解釋失場原因：「當日佢胃痛入咗院。（你同助手搵佢唔到？）後尾搵到佢啦。」但問到DaDa入了哪間醫院及有否留院？Roy說：「唔知，應該係對面海嘅醫院。」解釋牽強，Roy坦言有向劇組道歉，亦不擔心DaDa被列入黑名單。
暗寸唔夠專業
張少馨承認DaDa失場搞到臨急變陣，並細說當日情況：「一早收到佢經理人電話，話DaDa要去睇醫生晏少少到，大家一直keep住聯絡，不過到夜晚十點佢打畀我話對唔住。（DaDa經理人推薦過其他人畀你？）唔係人哋畀邊個我哋就要邊個。」問到會否對DaDa留下壞印象？她說：「專業演員冇可能發生啲咁嘅事，我哋可以度期同請病假。」
文：音樂組