陳樂榣阿爸走佬代還債

性感組合Freeze成員陳樂榣（Alley）、甄穎珊和石詠莉，近日不和傳聞升級，當中Alley被指兩年前向甄穎珊借下五位數字，近日無力還錢反面！昨日三人在旺角排舞後，被杯葛的Alley先行離開，記者上前問她經濟狀況，她承認財困並哭訴可憐身世：「我十六歲時爸爸負資產，因為擔保人寫阿媽個名，當時我喺加拿大讀讀吓書要返嚟，之後爸爸走咗佬，我就出嚟做嘢還債。甄穎珊主動話銀行有幾萬蚊可以借畀我，我哋協議每個月還款額同利息，今個月我遲咗十日還，因要幫喺台灣讀書嘅細佬交學費，如果佢要得咁急，我一定會諗方法還畀佢！」