中秋節將至，劉心悠昨日出席活動時表示已有多年沒有陪家人過節，今年亦未知能否成事，因下星期她要去紐約睇時裝騷，未知能否趕返陪家人。她表示最愛在中秋期間吃月餅，除了應節，亦可靠月餅感受家庭的感覺，問到喜歡港式還是台式月餅？心悠說：「台灣啲月餅好多fusion，我鍾意食香港嗰啲，比較傳統，最好係雙黃蓮蓉。」
心悠自創了一種新月餅食法：「將個月餅打橫咁薄切，一塊塊慢慢食，好得意！（唔怕唔覺意食好多？）都驚呀，所以會同其他人分享。」
