何傲兒捱得夜天生娛人

選美出身的Lily身材高挑，慶幸當初決定參選令她成功進入娛樂圈，她笑言自己是天生吃這行飯的人：「因為我真係好捱得夜！入呢行之前，就算凌晨兩點幾，我全屋人都未瞓！」

學享受工作

Lily偶然會接到行天橋的工作，她亦相當珍惜，並學會輕鬆面對，確保有最佳表現：「之前我選港姐嘅時候，去到臨尾信心愈嚟愈小，因為我畀太大壓力自己，搞到最終表現得無預期咁好。」現在學懂享受工作的她，直言基本上到正式表演時，發揮往往都會比綵排好。

看到今屆入圍佳麗遠赴印度拍外景，亦勾起Lily不少選美時的回憶：「選美嘅時候間唔中都要磅重，我哋每逢磅重嗰朝都會空肚飲杯齋啡，之後個個排住隊等去廁所，因為咁樣可以去水腫，到磅重時可以輕一、兩磅。」磅重後她們就會大擦一番！

跌親扮暈低

為了保持身形，Lily平時亦要忍口，她認為自己的身形穿晚裝會比較好看。滿腦子鬼主意的她笑言，早前曾想像過若自己行天橋時跌倒會怎樣，她說：「好彩我到依家為止都冇跌過，不過如果我真係跌親，我諗我會即刻扮暈低！」

家姐讚又乖又純

何傲芝：佢真係一個好乖好純嘅女仔，佢喺屋企都好聽話，同埋工作態度都好認真，每次佢接到新劇，都會不停叫我幫佢又或者自己對住塊鏡練習。

黃智雯：我覺得佢由參選到依家都仲係好可愛，傻傻地，佢算係我圈中最friend嘅朋友，我哋真係會咩嘢都分享！

何傲芝

黃智雯

採訪：專案組

攝影：唐豁莊

場地：美麗華商場

服裝：Bread n Butter

髮型：Patrick So@HH hairr

化妝：Meggy Li@Meggyli.com