Gag神
Gag神今期唔玩捉字蝨玩數學題，實行要搞到個個歌手頭都大晒，哈哈，今期的問題就係「8個8字，點樣加埋先可以變成1000？」
關楚耀（Kelvin）聽到要答IQ題即表現興奮，笑言自己是估遍天下無敵手，但面對這個刁鑽IQ題，Kelvin亦大感頭痕：「點組合成1000呀？有冇貼士呀？係唔係點組合啲8字都得架？」最後想了數分鐘，他突然大叫：「我終於諗到啦，係8加8加8加88再加888！」雖然想了很久，但最後都解答到，果然是IQ王！
最近忙住為電子寫真宣傳的方珈悠，聽到Gag神的IQ題後說：「好深喎，8個8字呀？有咩貼士？會唔會加完又減番好複雜咁o架？畀少少時間我諗吓先！」
最後她向Gag神「投降」，當她知道答案後即笑言：「真係好難呀，我諗我點都唔會估到，哈哈！」
黃伊汶（Emme）代言的手錶生意愈做愈大，榮升老闆的她理應對數字較敏感，但面對有關數學的IQ題，她即高呼投降：「平日有人幫我計數架嘛，我真係投降啦！」
當Gag神告訴Emme答案時，她即撒嬌說：「明明係數學題，都唔係IQ題嚟嘅！」
答案：8+8+8+88+888=1000