阿佘自辯冇公主病

在劇中演刁蠻公主的阿佘頗為出位，被問到是否做回自己？阿佘說：「係演技，我冇公主病架！（怕唔怕觀眾唔接受？）唔會，演員要多方面嘗試，畀新鮮感觀眾係好事。」而陳豪亦讚阿佘演得好：「刁蠻公主唔易畀人接受，但佢處理得好好，（你身邊嗰個有冇公主病？）好彩未遇過。」

此外，陳法拉也在劇中顯露搞笑本色，問到男友有否讚她有喜劇細胞？法拉笑言：「佢鍾意阮兆祥同陳豪多啲，（呷醋？）我呷大Ex（阮兆祥）醋！」