黃德斌拍打戲 撞斷指筋
無綫型男黃德斌日前拍攝新劇《女拳》一場與姜大偉的對打戲份時，其左手無名指混亂中慘遭撞斷筋，他說：「當時睇見自己手指吊吊fing，都唔識痛，反而John哥（姜大偉）嚇一跳，叫我去醫院，我仲話拍埋先。醫生畀咗個手指托我戴，固定受傷部位，話要等傷勢慢慢愈合，大概要六個星期。」
德斌雖然受傷，但仍懂說笑自嘲：「可能John哥平時練氣功，震斷我條筋，雖然傷咗隻手指，但我仲可以照顧自己，未使食殘廢餐住，反而要早起身返元朗覆診比較辛苦，因為當日喺博愛醫院急救，要嗰個職業治療師跟進番成個康復進程。（無名指受傷戴唔到婚戒？）哈哈！我都未戴！」