吳浩康喊冤冇叫女友整容

吳浩康（Deep）、陳偉霆（William）、鍾舒漫及洪卓立昨日出席英皇新秀活動，活動開始前全場為菲律賓挾持事件中遇害港人默哀。Deep將為本屆新秀擔任評審，問他想挑選師弟或師妹？他笑言：「梗係搵師妹啦，勁嗰啲男仔整走佢添呀，最好聲色藝俱全！」皆因Deep女友莊思敏早前整形升Cup，記者笑指Deep偏愛好身材，他即說：「唔係我要佢整容架喎！」
吳浩康昨出席英皇新秀活動時表演彈結他。
吳浩康昨出席英皇新秀活動時表演彈結他。

此外，William於會上大展舞技之餘，又向未來師弟妹過招，他說：「頭先喺後台聽到佢哋話好緊張，其實應該好好享受，難得有咁多人睇自己表演！不過記得我當年參加嗰陣都好緊張，所以跳舞跳得好用力，好似打拳咁。」

一眾英皇歌手出席新秀活動，與前排的參賽者合照。
  • 一眾英皇歌手出席新秀活動，與前排的參賽者合照。