吳國敬插菲總統：唔落台天收
昨日多位藝人，包括張衞健、許志安及吳國敬等現身維園，為悼念菲律賓挾持人質事件之遇害者遊行，期間吳國敬更激動喪插菲國總統：「我覺得呢個人唔落台就真係天收！」
遊行昨午三時開始，隊伍由維園遊行至中環遮打花園，多名參與遊行的藝人都以白色或黑色素服現身，神情哀傷，當中包括許志安、蘇永康、梁漢文、張衞健及吳國敬等。
張衞健期待真相
期間吳國敬表現激動，他說：「希望菲律賓政府同笑住口上台嘅總統可以好好交代，因為呢次喺菲律賓死咗八個中國人，佢居然可以笑住上鏡，我覺得呢個人唔落台就真係天收！」蘇永康即上前搭膊頭加以安慰，張衞健在現場只簡潔地說：「加油、支持，努力活下去！」但其後就在微博寫上：「剛剛參加完大遊行，我們香港的小市民希望用冷靜及文明的方法促請菲律賓政府交出公正的報告，並希望菲律賓警方能跟香港警方合作，查出真相。」
而早前表示會出席遊行的張敬軒最後缺席遊行，昨日他出席講座時表示自己搞錯時間：「我以為遊行係十點鐘開始，原來係三點鐘開始，雖然我去唔到，但我精神上支持大家，最近都睇到藝人喺網上留言，好似金培達咁，自己都好支持簽名活動，我知道嚟緊個星期日都會有悼念活動，到時我有音樂會綵排去唔到，但都會送花籃過去。」他又表示有激動情緒是可以理解，但千萬別做出過激行為。
遊行後心情平復
另外，資深藝人馬海倫及劉丹都有出席遊行，馬海倫本身是佛教徒，而遊行當日碰巧是死者「頭七」，她會為遇害者誦經。而白韻琹就認為香港政府可以此為鑑，與其等人救不如自救，而提到自己對事件的心情時，她即時淚如雨下！
此外，Angelababy師妹楊汀叮亦在微博上透露自己有參與遊行，完成遊行後，她寫上：「終於完成了，心情平復許多。」
文：專案組