基仔助受難家庭帶頭捐十萬

昨日祖兒、基仔、梁詠琪、莫文蔚、衞蘭、關楚耀（Kelvin）、官恩娜、傅穎等逾30位歌手，在1號風球「獅子山」襲港下出席「太陽計劃2010南區音樂峰會」，甫開場，一眾歌手手繫黃絲帶，手牽手唱《一點燭光》，向菲律賓屠殺事件的死傷者及其家屬送上無限的關懷和祝福，負責closing的黎明則呼籲：「無論香港發生乜事，大家一條心。」

望死難者安息

身為「太陽計劃榮譽大使」的祖兒和基仔主持擊鼓儀式，發放正能量，祖兒在台上激昂說：「愛可以戰勝一切，雖然今日遇到唔如意事，但我哋要勇敢去面對，團結起來，話畀大家知香港人係唔蝦得，我希望用歌聲將歡樂帶畀大家。」

而司儀宣布古巨基兒童醫療基金捐10萬給東華三院，幫助人質事件中的受難家庭，事後基仔受訪說：「捐錢希望幫助受難家庭，起帶頭作用，大家痛過、憤慨過，依家希望死難者安息，幫助活下來嘅人。」他謂事發時身在北京，看新聞亦大感心痛，本來昨日想去遊行，但因工作不能參與。

有菲籍血統的衞蘭連日來出席多個悼念活動。	黎明希望港人能一條心度任何難關。	祖兒在活動上獻唱，並堅信愛可戰勝一切。

關楚耀撐衞詩

至於Kelvin則透露媽咪和妹妹去了遊行：「呢幾日無論社論、網上討論都需要停一停，怨氣積聚太多，之前睇菲政府好氣憤，救人冇plan、好廢，但講咗咁多日，大家要踏前一步，再怨都冇好處，應該支持生還者。」至於有菲律賓血統的舊愛衞詩前日出席祈禱會，Kelvin說：「係咪有菲血統都唔開心，喺香港住咁耐有反應，係人睇到都唔安樂。（主動打畀佢關心？）最重要關心生還者。」

傅穎	梁詠琪	關楚耀

採訪：音樂組