莊思敏：契哥一向有禮貌

莊思敏、朱璇等昨日為法國婚紗行騷時，莊思敏自爆契哥巫翊鳴（Xuan）牽涉一宗有記者報案稱在夜店PLAY被打一案，由Xuan的契爺清洪替他保釋，她說：「件事係未經證實，我未搵到佢，我識佢咁耐，雖然佢貪玩，但我冇見過佢打人或鬧交，對任何人都好有禮貌，就算佢飲酒都唔會做唔理性嘅行為，佢飲醉只會瞓覺。之前佢搞生日派對想做到好Private，但啲生日相被人流咗出去，佢好擔心朋友唔開心，佢完全唔憎記者。」她續說本來Xuan有邀請自己和妹妹莊思明去派對，但最後都冇赴會。