莫可欣撐港姐勿介意批評
前港姐莫可欣、趙雅芝、王愛倫，代表慧妍雅集出席扶康會「風力發電裝置啟動儀式」。對於新一任港姐被狠批「豬扒」，莫可欣力撐：「港男又被投訴歧視，港姐又被批評豬扒，靚與醜其實好主觀，雖然我未見過佢哋，應該唔係咁差。細路女參加港姐都係想追求夢想、擴闊眼界o架，唔需要咁刻薄。」
莫可欣又指「豬扒」一詞涉及人身攻擊，自己深表同情，她說：「真係好慘，我都係過來人，當年我都唔識處理好唔開心，惟有找港姐保母傾偈，依家佢哋處理得好過我，其實唔需要咁介意。」莫可欣透露當年獲冠軍後，亦不願出席港姐活動，最後亦跟足公司指示照做，她說：「卸任後都唔想用港姐身份出席場合。依家諗番都好唔啱，因為批評會令自己有所改善。」