成龍發聲明澄清他於菲律賓事件發言的風波，各藝人對此眾說紛紜。
白韻琹力撐成龍：「每個人都有權講任何嘢，其他人冇資格出聲。佢係成年人，只要唔係犯法，自己又肯承擔後果，冇人有權干涉佢。咁大家鍾意咪擁戴囉，唔鍾意就唔好睇，佢又唔係細路哥，唔需要大家去教佢。每個人都應該有原諒嘅心，話佢教壞細路就太過嚴重啦！唔需要其他人做保長去教訓人。」
名模姚予晴：「某程度上成龍又講得啱，着實喺某啲地方，呢啲慘劇曾經發生過，但係今次慘劇發生喺我哋身邊，係好大件事，我覺得成龍唔需要同我哋道歉，我哋係唔可以批評佢，只係佢喺唔適當嘅時候講呢番說話，佢嘅說話可能會傷害到人。」
DJ Tommy對成龍在Twitter的言論曾表示不滿，對成龍致公開信道歉，Tommy說：「但願成龍先生真的能夠身體力行，以金錢或行動幫助及支持受害人及家屬。」
周柏豪：「我唔評論前輩，成龍大哥出嚟講對唔住，證明佢都係好關注菲律賓呢宗港人慘劇，我相信每一個香港人都係關心所有受害者及家屬，亦相信佢幫到手都會幫。」