陳庭欣戥緋聞太子爺頭痕

香港小姐陳庭欣、張秀文和莊思明昨日在鑽石山出席香港壁球公開賽記者會。身為康泰旅遊大使的陳庭欣,對於香港旅客於菲律賓遇害,她說:「我唔會想去菲律賓囉,依家聽見菲律賓都有啲驚。不過,今次係個別事件,唔會對康泰失信心。」問到陳庭欣可有聯絡康泰太子爺Jason?她說:「冇,點會聯絡佢呀,我諗佢哋都好頭痕啦,雖然今次件事唔係直接因佢哋而起,但都要善後。」

莊思明則透露孖生家姐莊思華早前去菲律賓旅遊,令家人十分擔心,但沒有為她聘請保鏢,她說:「家姐多數留喺酒店,但係電話、SMS一搵唔到佢就好擔心。」

另外,陳法拉昨日出席鞋店活動時表示:「喺美國當局都會勸市民盡量唔好去菲律賓,呢件事提醒自己要居安思危,仲特登搵番媽咪送畀我支粉紅色胡椒噴霧出嚟。」