莊思敏跟JC正面交峰信心爆棚
身材升cup的莊思敏，昨晚和警鐘胸混血模Jessica C.同場交「峰」，莊思敏自讚自己的咪咪好靚，更言隆胸只想令身材更完美，不會以胸部做賣點，故以後不會接內衣騷，以免咪咪成為焦點！
模特兒莊思敏及警鐘胸混血模Jessica C.（JC）昨晚出席服裝品牌WeSC新店開幕，專程由瑞典來港的品牌創辦人Greger Hagelin更主動和JC合照，周秀娜男友Avis也有行騷。剛隆胸的莊思敏，面對同場的警鐘胸，十分自信的笑說：「我依家個胸都好靚！我隆胸唔係因為其他人身材靚，只係想自己身材完美啲，我唔想畀人誤解隆胸係想show off！」
唔想攞個胸出嚟
問到隆胸後工作量有否增多，莊思敏說：「未覺，唔算特別多，好多工作都係手術前接，暫時冇人要求我攞個胸出嚟，可能知我唔想show off個胸。（接內衣騷？）唔會接，泳衣騷就睇性質。（以前你都接內衣騷？）以前我咁細梗係唔怕冇所謂，但隆咗後大家會集中個胸，所以接job會小心啲。」
對於菲律賓挾持人質事件，莊思敏激動的說：「啲警察當人質唔係人，只係為殺個槍手，呢件事令到我好唔鍾意菲律賓，短期內都唔想去呢個地方，太唔安全，有事都冇人理！」
勿歧視菲律賓人
母親為中菲混血兒的JC，說替死難者難過，更言母親曾叫她去菲律賓時不要戴錶，否則會被綁架。至於擔心事件掀起仇視菲律賓人，她說：「大家觀點角度唔同，唔係所有都係壞人，唔應該有種族歧視。」另外，對於和自己一起拍戲的周秀娜曬到變「黑白波」，JC說也有人指自己面和手的膚色不同，惟有多做防曬工夫。
文：名人組