羅仲謙40吋巨胸男女通殺

早前一班o靚模「來勢胸胸」成功搶鏡，擁有四十吋胸肌的羅仲謙亦不甘示弱，憑電視劇《搜下留情》中大隻型男一角，為男士爭一口氣。他坦言大隻仔形象成功入屋十分開心︰「作為演員人哋記得我梗係開心啦！不過唔會自滿，我會以華哥（任達華）為奮鬥目標，佢有事業又有家庭，我都想好似佢咁成功！」

十年後先結婚

25歲的羅仲謙正為事業打拚，故十年後才考慮結婚︰「依家仲物色緊（對象），唔理圈內定圈外，最緊要體諒我，唔介意我工作上同女仔有親密接觸。（鍾意邊類型女仔？）自己比較鍾意高和淳樸自然嘅女仔，女仔化妝好正常，但唔好咁多修飾，唔太接受化濃妝嘅女仔。」問傅穎是否他鍾意的類型？他笑說︰「好似佢咁囉！因為大家同公司所以講佢。」

傅穎大讚羅仲謙是個純品好男仔。（資料圖片）

羅仲謙希望事業愛情兩得意，但現以工作行先。

自稱用情專一

入行至今羅仲謙甚少緋聞，印象最深刻只有傅穎，他笑言︰「係咪好犀利？可能我以前個外形唔太得啦！（有冇夜蒲識女仔？）節日先會去，被人影到冇所謂，不過我覺得藝人的私生活應該要檢點。」他「大隻仔」形象吸引一班同性粉絲，不禁令人懷疑他的性取向，但他強調自己「百分百鍾意女仔」，更是個用情專一的男人︰「我覺得總會遇到有緣嘅人，我拍拖會好投入，唔係玩玩吓！」