周秀娜沙灘暴曬變黑白波

宅男女神周秀娜（Chrissie）昨日為內衣品牌Peach John擔任模特兒，示範多套性感內衣及睡衣，大騷32D逼爆身材。

唔在港裸曬

Chrissie表示剛由日本回港，隨即要投入電影拍攝，見她皮膚黑了不少，她解釋︰「套戲係講沙灘排球，日日着住比堅尼喺沙灘曬足12個鐘，都幾辛苦。今日做內衣騷，我已經用粉底補色。」她笑言因為暴曬關係，令膚色不勻，現在變成「黑白波」，又自嘲將會有個新花名叫「雙皮奶」，問到同劇哪位演員「雙皮奶」情況最嚴重﹖她說︰「我淨係睇到自己，套戲正式開拍咗幾日，仲要拍到九月中。依家暫時都補救到，遲啲就無得補救。我哋已經有用防曬，幾個女仔一日可以用幾樽防曬。（男友有冇見過你嘅雙皮奶﹖）我近期好忙，冇見過佢。」問她會否裸曬令膚色均勻，Chrissie稱不會在港裸曬，但私人泳池則可以考慮。

周秀娜擺出可愛甫士，而在場另一model亦不輸蝕，即場脫衣。	放大圖片	身為宅男女神的周秀娜，亦吸引到不少女粉絲。

為死者心痛

另外，對於前日港人在菲律賓被挾持及遭槍殺，Chrissie也有追看電視直播，並大感心痛︰「睇到想喊﹗嗰刻令我覺得要珍惜家人同身邊朋友。（當地警方好無能﹖）一路睇一路覺得好忟，點解會咁慢同用咁嘅方式﹖但係冇辦法，唯一慶幸係有生還者，希望死者安息，幸存者好好生活。（你有冇去過菲律賓﹖）冇。（會唔會以後唔去﹖）相信今次係個別事件。」

文：名人組