梁漢文忟憎菲警無悔爆粗

前日挾持人質事件發生後，Edmond一直有留意着新聞報道，對菲警拯救人質的方式，前晚已在微博直斥：「呢班係乜嘢特種部隊嚟o架！」最後情況急轉直下，一班無辜香港旅客送命，Edmond亦氣難平留言：「死咗七個啦，FXXK !」事隔九分鐘後，Edmond即為自己爆粗一事再次留言：「我知道我講粗口係唔啱，但真係忍無可忍。」

難忍男兒淚

對於「爆粗」一事，昨日聯絡Edmond，他說：「我係發洩情緒，成晚睇住啲新聞片，菲警處理方法唔夠積極，大家都係香港人，生命先係最重要，所以，我為咗發洩自己情緒，嗰個Moment就用咗嗰四個英文字母，睇到件事真係好心痛、好激心。」Edmond自言昨晨起來看到新聞片，都不禁流下男兒淚：「呢幾年都冇流過一滴淚，但今朝睇完新聞真係頂唔住喊咗出嚟！昨晚老婆喊，自己仲安慰佢。」講到「爆粗留言」一度被「河蟹」？Edmond說：「唔知，我冇Delete到，唔覺自己有錯。」然而有過百人留言支持Edmond爆粗「冇錯」。及後Edmond再留言呼籲，別遷怒於無辜的菲律賓工人。

昨日Edmond、張衞健、許志安和蘇永康雖然忙着為音樂會排舞，四人仍以黑色裝束悼念罹難的港人，並特別送祝福給死傷者及其家人，寫着「香港人都感受到你們的悲痛，香港人都看到你們的勇敢，香港人都在為你們加油，祈禱！」而張茜亦以文字表達心情，會為事件活下來的人祈禱。

陳慧琳不滿

而陳慧琳也對當地警方的低效率滿腔不滿，並讚賞獲釋女人質夠機智救走一名男孩。她又向受事件影響的人打氣：「希望所有生還者同遇難者嘅家人可以堅強生活落去，好多香港人都支持你哋。」

文：音樂組