君如慧敏全黑上陣悼念死者

吳君如、周慧敏（Vivian）、萬綺雯、陳偉霆（William）及張兆輝等，昨晚穿上黑色素服，出席新片《得閒炒飯》首映禮，悼念遇害港人。君如帶頭表示心情沉重：「冇嘢值得慶祝，成件事原本可以避免嘅，但依家講乜都冇用，只希望香港同菲律賓政府做好啲善後工作。」君如又指前晚與家中菲傭觀看電視新聞直播：「佢同我屋企人冇分別。我會響應港府呼籲，暫時唔去當地。」Vivian則表示整晚不時為死者祈禱，望得以安息。
周慧敏（左）與吳君如關注慘劇，希望死者得到安息。
周慧敏（左）與吳君如關注慘劇，希望死者得到安息。

原本William準備一套鮮紅色西裝到場，但發生慘劇後即臨時臨急換裝：「依家我都搵緊相關慈善機構，想捐啲錢畀遇害家庭嘅遺孤。」據悉，台前幕後打算將首映改期，但因早已向演員度期及訂場，很難作出相關應變，故惟有如期舉行。同場嘉賓有馮寶寶及葉德嫻等。

右起：周慧敏、馮寶寶、君如、張兆輝及萬綺雯收起哀傷宣傳新片。
  • 右起：周慧敏、馮寶寶、君如、張兆輝及萬綺雯收起哀傷宣傳新片。