祖兒籲少怨氣勿炒菲傭

祖兒昨日到新城為節目錄音，原定節目後接受記者訪問，但電台臨時通知訪問取消。英皇發言人指祖兒認為人質事件慘絕人寰，心情沉重的她覺得不適合做宣傳。

斥槍手行為

之後祖兒接受本報電話訪問，她坦言事件留下很大陰影：「今日唔想做訪問宣傳，感覺怪怪哋，心情唔係咁好。好慘！好戥佢哋難過，好難相信佢哋喺車內煎熬咗十一個鐘，真係好大傷害！槍手為保自己清白，白白犧牲咁多性命，不但冇幫自己洗脫罪名，依家害死咁多人命仲大罪。」對於死難者家屬，祖兒送上深切慰問：「希望佢哋早日康復，事情總會過去，香港人會支持佢哋。」

袁彌明指現時不應辦喜慶活動。（資料圖片）	陳偉霆與鍾舒漫寄語死傷者家屬可重新振作。	RubberBand出席活動時一臉哀愁。

原來祖兒六月時曾到菲律賓的蘇碧拍廣告，對於網友發起炒菲傭，祖兒呼籲大家冷靜：「唔可以加罪呢個國家，今次係個人問題，唔應該歧視，社會已經好多病態出現，希望大家少啲怨氣，多啲正能量和諧共處，冇人希望發生唔開心嘅事。自己嘅菲傭心情都好沉重，對住我哋都有歉意，希望大家唔好將仇恨擴大。」至於港府發出黑色外遊警示，她說：「依家咁恐懼，大家未必會過去，自己覺得留喺屋企最安全，一家人齊齊整整。」

袁彌明昨日原訂出席其姊姊和友人合資的餅店「登陸」儀式，惟記者到場後才知活動取消。袁彌明接受電話訪問時表示，因姊姊覺得現時不應辦喜慶事，故臨時取消。

發放正能量

另外，陳偉霆、鍾舒漫、RubberBand等昨晚齊出席「中學生聯校歌唱大賽2010」，活動開場時，全場觀眾默哀一分鐘作悼念。鍾舒漫表示：「我有諗過如果（遇害者）係我親人，我會點算？」問到可有說話鼓勵生還者及死者家屬？她說：「畀啲正能量佢哋。」

文：音樂組