獎門人開心錄影免掃興
曾志偉、張達明、陳小春等昨晚出席《超級遊戲獎門人》錄影，據知無綫曾想過取消錄影，但入場券已派，故繼續進行，至於原本默哀環節亦取消，獎門人曾志偉解釋：「如果我哋進行默哀，成個廠氣氛好沉重，現場好多小朋友，呢集亦係暑假最後一集，都想佢哋開開心心，我哋盡量都唔會提呢件事，免得大家難以平衡心理狀態。」
多年前於菲律賓自導自演電影《安樂戰場》的他，坦言感受特別大，心感不安。說到菲警救援行動，他頗激動的謂：「梗係差，邊有理由咁慢，（明天當地進行全國哀悼？）都冇乜用，已經係事後嘅事，人命關天最緊要。」有指有人質是被警員誤殺，志偉神情哀傷的說：「離譜。（會否杯葛菲傭？）咁又唔好拉埋嚟講，好多人當佢哋係家人一樣。」
陳小春表示無綫有叫他們穿着素色服裝，他又說：「無奈咁啱成車都係香港人，如果係美國人，分分鐘戰機都嚟埋。」而達明表示當日聽到消息即嚇得致電於康泰旅行社工作的姪仔，幸而對方正於公司協助處理事件，達明形容此事很震撼，看見救援情況時很忟憎，短期內都不會去菲律賓。