質素差禁爭國際小姐？ 莊思明：係國籍問題

馬賽撐實至名歸

Lisa看過報道後，平靜地在微博中解釋自己只有馬來西亞護照沒有特區護照，故不能代表香港出賽，無綫惟有另覓人選，並望大家不要想太多。無綫外事部副總監曾醒明強調，純因莊思明沒特區護照不符大會資格，對於有讀者質疑為何楊洛婷等屬加拿大籍仍可代表香港參加世界小姐，曾氏解釋世界小姐及環球小姐賽會沒限制國籍，但國際小姐賽會則要求嚴格。

此外，曾因無綫雪藏張舒雅臨時上陣選國際小姐的馬賽，力撐被批評的「師妹」：「其實三甲係一個團體去分擔港姐嘅工作，公司會因應工作內容性質而去分派，莊思明都係因為護照問題啫，（話佢唔靚唔畀選？）我接觸過佢，佢好大方、舒服，雖然唔係第一眼美人，但有獨特嘅地方，絕對實至名歸。」

徐淑敏出席活動時指以前也有因年紀問題而換人，她亦撐今屆港姐高貴有氣質。談到其夫黃浩襲擊記者被判守行為，徐淑敏謂老公已向她道歉，更覺得對方肯認錯而值得嘉許。

馬賽認為港姐工作應由港姐三甲一同分擔。

徐淑敏力撐今屆港姐高貴有氣質。