莊思敏未嫁得讓妹妹爬頭
本報昨日致電名模莊思敏，問到其胞妹莊思華（Mona）是否跟練馬師告東尼兒子告崇恩拍拖，她說：「係呀！佢哋拍咗一段時間，雙方都見過家長。（贊成Mona拍拖？）佢依家先23歲，拍拖最緊要開心，佢哋開心就得啦！（介唔介意細妹爬頭？）如果係我都唔介意，我自己短期內唔會諗結婚住，想做好啲工作先，如果真係爬頭我冇所謂。」
提到近日莊氏三姊妹成為傳媒追訪目標，她說：「咁啱啫！可能我同Lisa（應屆港姐季軍莊思明）都係呢行，所以大家都關心埋Mona，但係知佢冇諗住入呢行。」對於細妹Lisa被指質素差，被「叮」出參選國際小姐資格，莊思敏表示：「其實真正原因係因為國籍問題，雖然佢依家喺香港發展，但係最終都會返馬國度住，爸爸唔想我哋轉國籍。」