謝安琪為子選校隨心意
謝安琪（Kay）、周柏豪及新人周子揚昨日出席「永不放棄同學會」活動，Kay透露當年會考有二十多分，她說：「諗番起會考時都幾開心，前幾日諗住搵吓張會考證書，最後都搵唔到。」Kay表示對囝囝張瞻學業抱平常心，她說：「考試不是求分數，人生嘅重點唔係睇成績。（唔諗住幫仔仔搵好學校？）隨意啦，自己又唔係名校長大，咪一樣過得咁開心。」
柏豪與師弟周子揚大方透露會考成績只有個位數，柏豪說：「最終考咗三次，之後都有進修。」子揚透露會考時練結他多過讀書，問到父母有冇「詐型」？他說：「我都掙扎咗好耐，最終去咗美國讀音樂。」
