楊千嬅自從同丁子高結婚後，周不時都唔怕肉麻晒恩愛。聽聞丁子高的確好識冧老婆，除咗經常喺傳媒及微博面前讚千嬅，原來丁生仲好鍾意送小禮物。
日前千嬅出席唱歌老師嘅記者會，見佢條頸戴住一條心形嘅碎鑽石頸鏈，問千嬅係咪老公新買畀佢？千嬅就好坦白話：「係呀，不過唔係新買，係好耐之前送o架啦，我摷番出嚟戴之嘛，因為我唔戴，佢又咿咿哦哦啦。」雖然千嬅講到老公好似好煩又長氣，但見佢個樣笑到鬼死咁冧，相信千嬅都好樂意畀老公「哦」足一世。
