關楚耀聽阿倫訓話珍惜擁有
關楚耀前晚舉行「Here I am」新碟發布音樂會，獲父母、妹妹及泰迪羅賓到場支持，樂隊Mr.擔任表演嘉賓，他們合唱《黑色狂迷》及《想太多》，令歌迷陷入瘋狂狀態。關楚耀感謝家人及契爺譚詠麟（阿倫）的疼錫：「雖然佢唔喺呢個場館，但佢應該會聽到o架！」然後獻唱契爺的《成功需苦幹》，期間阿倫突然由觀眾席步出，向契仔訓話：「好多嘢你曾經擁有過失去咗再得到番，你先會去珍惜，你要記住！」然後兩人在台上擁抱，場面感人。
好友張敬軒在音樂會尾聲出現，向關楚耀送花及獻吻，他接受訪問時大表驚喜，又坦言與舊愛衞詩有聯絡，十分支持對方復出唱歌：「佢對音樂好有熱誠，今次我做個榜樣畀佢睇先！」
此外，將於明日踏入60大壽的阿倫，昨晚假跑馬地開派對狂歡，關楚耀、許冠文、陳秋霞、苗僑偉等到賀，許冠文表示與朋友夾份送紅酒櫃，並笑阿倫應該畀人打橫抬出來。
