薛凱琪跟祖名講廢話

薛凱琪（Fiona）、郭可盈及藍奕邦昨日現身荃灣愉景新城的「惠氏金裝膳兒加——小小巨聲不偏食至營挑戰賽」，Fiona對於有報道指房祖名揚言冇與她拍拖，方大同跟她才是一對，Fiona直斥祖名亂講，更叫對方拿出證據。她說：「佢又講啲唔好笑嘅笑話？之前佢講過想做導演，搵我同方大同演情侶。（你同祖名甩拖？）都冇拍點認？不嬲係朋友。（佢爆你同方大同拍拖？）有乜證據？（想鬧佢？）點解？佢係亂咁講，但唔係壞男人，心地幾好，好似我，被媒體問感情事，就會講廢話，我喺佢身上學識咗轉移視線。」
薛凱琪
薛凱琪

可盈則有女萬事足，她說：「女兒七個月大，識坐未識行，我暫時未定幾時再接job，唔想錯過湊女，（一家三口拍廣告？）睇乜嘢廣告，我唔鼓勵女兒接嘢做，想佢學業為重。」藍奕邦則撐杜麗莎並非惡人，只係嚴師。

郭可盈及藍奕邦齊齊做評判。
  • 郭可盈及藍奕邦齊齊做評判。