陳柏宇台上親熱 除衫剝褲

陳柏宇（Jason）與馮曦妤（Fiona）前晚在音樂會上合唱冧歌，Jason與對方又拖又攬，Fiona更伸手摸他的面（上圖），令歌迷即時起哄。他感慨地表示：「不知不覺入行已經四年，壓力愈來愈大，最輕鬆係喺沖涼時唱歌。」更邊說邊在台上脫掉衫褲，剩下背心及Leggings，有歌迷大叫：「沖涼唔使除衫架咩？」被窒的Jason即反擊說：「唔使交水費咩，沖涼加埋洗衫架啦。」由於Jason穿上高踭長靴，抵死的他說：「有冇覺得我今日唔同咗？」並將腳踢起說：「就係呢個自信踭。」對於師妹方珈悠以低胸裝撐場，Jason說：「係呀，我都話佢好似冇着褲咁，成個籮柚走晒出嚟。」