陳偉霆瘀爆蜘蛛網上身

陳偉霆、洪卓立、鍾舒漫及泳兒昨日為「英皇新秀歌唱大賽面試」擔任評判,四人大爆當年參加新秀時的瘀事,陳偉霆謂:「我都未唱歌,老闆(楊受成)已經問我『做咩着成咁』,因為我着咗個蜘蛛網喺身,嗰時冇乜自信仲以為好型,嗰刻真係淆晒底!」泳兒自嘲「誤信」媽媽的衣着風格,以藍色眼影、橙色衫配喇叭褲面試,她直言:「我自己都唔想再睇番嗰個樣!」鍾舒漫因為面試時遲到而想放棄,幸好工作人員拉她去面試。至於評審準則,他們認為最重要是歌藝,其次是有沒有觀眾緣,洪卓立說:「我會睇埋係咪好浮誇,我最怕人作狀!」