江美儀成功入屋人氣急升

憑劇集《女人最痛》飾演Angela auntie而人氣急升的江美儀，昨晚偕同男友吳君祥出席好友饒珮君的《天仙珮》慈善首演酒會。江美儀直言《女》劇是其入行以來最高收視的劇集，笑言終於感受到大台的威力。「哈！真係破咗我個人紀錄！出街好多人唔係叫我做Angela，而係叫我做auntie！fans仲讚我個角色乞人憎但可愛！我知道《女》劇每日有五十萬人上網睇，依家要呼籲啲OL真係睇電視唔好上網睇。」而吳君祥在旁笑言看女友首集演出，驚訝對方身材從未如此偉大過，江美儀說：「我阿媽仲問我係咪用替身！」