基仔守禮拒與女粉絲共眠

古巨基(基仔)昨日假大埔超級城為新碟第二度舉行簽唱會,吸引數百人圍觀,他更和新鴻基地產代理有限公司高級推廣經理陳淑衡主持開幕禮。身穿新碟封套睡衣的基仔,開口寸o靚模:「你估只得o靚模先識着睡衣。」

寫新歌唱衰o靚模

他不屑說沒有看過o靚模寫真,連同事及fans都不會捧場,並力斥o靚模教壞細路:「呢啲風氣唔好,依家啲寫真好踩界,唔止性感係意淫,佢哋各出奇謀。我新碟有首歌叫《北半球選美離奇火警事故》,就係諷刺o靚模。」基仔為顯示乃守禮之人,就算司儀要求基仔和女歌迷齊瞓在布景板上,他亦婉拒。

否認豪宅贈助手

另外,有雜誌拍得基仔和緋聞女助手Lorraine撐枱腳,又指他打算買二千萬豪宅送給對方,基仔斷然否認說:「唔係只得我哋兩個,起碼有四個工作人員,我暫時未有再置業嘅打算。」但將來結婚,基仔也會在物業加上太太的名字。

文:音樂組

Click選心水港姐,請瀏覽on.cc 東方互動《香港小姐2010》專輯