郭翠華撐LV大講仔經
昨晚本地時裝設計師Renee K.（郭翠華）、陳斯允、陳柏熹等出席Louis Vuitton太陽眼鏡活動時，Renee一提到兒子就表現雀躍，表示兒子十四個月大，已學識行。問到有否繼續設計工作？她說：「都有，但比以前輕描淡寫咗!湊一個小朋友要畀好多時間，我剛帶完佢睇籃球，個仔識得追住個波跑。」Renee坦承希望追多個女，不想兩個小朋友的年紀相距太大，她說：「佢哋可以一齊玩，我真係好想生個女，因為可以扮靚，不過呢啲係天決定！」
撇夫遊西藏
她又透露剛由西藏回港，還到過珠穆朗瑪峰，雖然自己有高山症，卻覺得當地很平靜，應該尊重大自然!問丈夫為何不同行？她解釋向來都喜愛一個人去旅行，並謂：「呢啲地方唔係好多人鍾意去，今次之旅我見到同道中人，撞到香港人，一個人由香港踩單車去西藏，踩咗百幾二百日，真係好讚嘆！」
是次活動是Louis Vuitton推出新一季Sunglasses系列，找來Asia Tatler交叉合作，現場掛有由本地著名攝影師夏永康操刀拍攝的城中十位名人潮人戴上太陽眼鏡的照片，包括本地著名時裝設計師鄭兆良（Barney）等。
