樂基兒狂滑水大肚No Way

昨日Gaile、陳豪及攝影師戴妮廷出席isquare舉行的glaceau vitaminwater宣傳活動，Gaile以貼身衫配西裝褸短褲、腳踏三吋高跟鞋現身，與陳豪互為對方設計造型。

自爆已擺喜酒

當記者問到Gaile有關懷孕傳聞，她反問記者：「我係咪曬得好古銅色？我經常玩滑水，如果滑水就無可能大肚。我已經玩咗半年，今個夏天每個星期都會去學。（黎明冇話危險咩？）唔會，我有問過佢，佢話OK。」她笑言自己練到手瓜起(月展)，遲早變男人。

另外，提到書展，Gaile坦言從來未有去過，亦沒有留意o靚模寫真集，她說：「我冇乜問題，佢哋開心就得，咁大個人自己識得揸主意。（你會唔會出寫真？）唔會，我細個時都冇影，依家更加唔會，我冇興趣，唔係太Proud of自己。我連婚紗相都冇影，婚紗都冇着。（會唔會補擺喜酒？）擺咗啦！我每次約幾個朋友出嚟食飯，食咗幾年，依家仲食緊。」

戴妮廷	陳豪自認清白之身，與阿佘冇嘢。

陳豪唔使避佘

至於陳豪談到早前與楊怡到台灣宣傳《宮心計》，問他是否怕與佘詩曼（阿佘）再傳緋聞而不與對方同行，他否認：「係公司安排。（阿佘出走療情傷？）唔係，佢去大陸搵真銀。」對於二人傳緋聞，陳豪笑言是否外界對他的定力沒信心，還是阿佘的魅力太勁，他再三強調：「我同佢真係冇嘢，我哋係清白之身。」

文：名人組