基仔探討社會現象唱o靚模
英皇一哥古巨基昨日為新碟舉行簽名會，吸引近百歌迷現身支持，為報答歌迷的熱情，基仔直言會盡可能為每一位歌迷簽名。
女助手唔出面
談到新碟《時代》宣傳活動，基仔透露將會是一浪接一浪，為配合新碟構思，下星期將舉行「見面會」繼續探討社會現象，當中更會請來願意上鏡的「中女、毒男、宅男」分享感受，問到會否請來「中女級女藝人」現身說法，基仔說：「唔會將中女呢個名詞套落女藝人身上。」
至於緋聞女友兼得力助手Lorraine會否上陣分享？他說：「佢最近都忙緊啲幕後工作，以我古巨基認識嘅佢，都唔鍾意上鏡，怕咗大家嘅鏡頭。」
冇興趣買寫真
說到社會現象，當然不得不提近日密集式推出性感寫真的o靚模，基仔說：「碟入面都有一首歌係關於o靚模，當日會請一啲作家同主持人去討論，我係負責唱歌，另外準備咗新舊8模嘅一個訪問短片，當日我冇去嘅，但會負責剪片！」至於基仔有否買下o靚模寫真集？他即說：「梗係冇啦，冇興趣！」
文：音樂組