趙碩之谷胸曹操搶風頭
趙碩之（Wylie）雖然今年沒有出寫真，錯過書展大戰，但昨日現身公開活動大玩Cosplay，中門大開盡騷事業線扮演女版曹操，吸引大批龍友拍照，絕不讓近期搶盡風頭的o靚模專美。
正當o靚模性感寫真紛紛面世，眾人無視被禁直踩書展造勢之際，今年休戰的Wylie即靜極思動，諗定計仔為自己爭取曝光率，昨日她出席公開活動，即以Cosplay打扮以女版曹操亮相，服裝方面貫徹其性感形象，雙峰幾乎奪衫而出，還露出一雙長腿，可謂搏到盡，結果引來大批龍友爭相拍照，場面熱鬧。
扮小忌廉被瞄
慣常性感示人的Wylie表示已做好防走光措施，笑指以往亦曾以Cosplay扮演不同人物，感覺有趣，更謂：「有其他人一齊扮OK，自己扮就有啲驚。」Wylie更自爆兒時扮嘢經歷：「細個時扮過小忌廉，穿晒短裙，但當時覺得好奇怪，點解大人會喺下面望上去嘅，大個咗就知原來佢哋係想目及嘢囉！」
闖書展怕誤會
談到書展舉行得如火如荼，Wylie坦言心情忐忑，一方面想以觀眾心態前往湊熱鬧，另方面又驚多fans找她簽名，會被外間誤會她在工作，故計劃遲些才入場，至於今年同門尹蓁晞有份出寫真，令到Wylie亦心思思想加入戰團。
文：影視組