江若琳失控發癲自罰面壁

江若琳、劉青雲、萬綺雯、彭發導演及寰宇老闆林小明等，昨日於泰國為新戲《索命童話》（前名《完美童話》）開鏡及拜神。未知是否因之前發生離奇集體眼疾事件，拜神儀式頗大陣仗，除請來師傅誦經外，更要在指定吉時進行。

放半月假散心

身穿白色吊帶裙的Elanne，一頭直長髮十分清純，談到近期要分身拍攝劇集《洪武三十二》及《索》片，她不諱言極具挑戰性，皆因兩個角色十分極端：「我喺《索》片一句對白都冇，但成日要狂喊、狂叫，拍嘅時候好不安，試過有日情緒失控、好虛脫，停咗機都仲好似癲咗咁繼續喊，啲人都叫我冷靜啲。」Elanne又指為投入角色，經常罰自己面壁，甚至呆坐五、六個小時。

由於過分投入，Elanne指回港拍劇時更一度嚇怕拍檔：「連謝天華都話覺得我怪怪哋，要不斷氹我開心。所以我同公司申請咗半個月假去旅行放鬆自己。」談到有份參演的《童眼》入圍威尼斯影展觀摩電影，Elanne笑言十分期待：「冇乜呢啲機會見識，我諗緊set咩頭着咩衫，哈！」據知《童》片另一演員楊丞琳亦已度期出席。

拜神儀式除請來師傅誦經外，更要在指定吉時進行。	左起：傅嘉莉、江若琳及萬綺雯不用埋位時大可傾傾女人心事。	劉青雲、萬綺雯齊讚泰籍小朋友演技了得。

青雲工廠食塵　

在《索》片中飾演警察的劉青雲，甜蜜透露太太郭藹明曾先後兩次飛往泰國探班，兩口子果然非常恩愛。青雲又大讚同片的泰國童星厲害：「雖然我哋完全溝通唔到，但佢竟然每一句對白都接到，好勁！」

談到之前感染眼疾，青雲笑言自己向來是敏感底：「我個鼻同眼都比較敏感，好彩我冇佢哋咁嚴重，但呢度啲陽光真係好曬，曬到連我咁嘅膚色都甩皮！最慘係喺工廠區拍夜景，好多塵，搞到連喉嚨都有事。」