DaDa取消活動否認被禁
多名o靚模連續兩日踩入書展場引起市民不滿！施念慈原定昨日帶同旗下o靚模Bambi等到場支持陳靜（DaDa）的寫真集，但卻臨時取消。施念慈對此表示：「其實大家都想等DaDa病好，齊人先宣傳，中間有啲誤會啫。」問到貿發局是否阻止o靚模踩場宣傳？有關發言人則稱：「佢哋每次嚟宣傳都冇通知我哋，我哋又何來阻止？冇影響其他人已OK。」
另外，王貽興舉行簽名會時直指，貿發局封殺o靚模，但又讓她們進場宣傳反而造成混亂，建議另闢地區供o靚模簽名，並暗寸o靚模：「始終書展對作家同o靚模嚟講係唔同，我又唔使烏身派奶！」
