劉欣宜驚死被趕唔敢畫龜
「E Cup Baby」劉欣宜與李蘊昨日以「黑白雙嬌」姿態殺入書展，令現場更為擠擁。有「周秀娜狂迷」之稱的鄭先生到場「轉軚」支持李蘊，三人更擺甫士合照。兩女又言不敢即場為fans簽名，因要守書展規矩，怕被趕出場。
昨日書展踏入第三天，陸續有o靚模到書展踩場！劉欣宜和李蘊昨午到書展造勢，吸引十數名fans舉旗兼吶喊助威。劉欣宜說：「其實冇諗過進場，前兩日收到主辦單位通知，話想我哋嚟。（有冇加印？）之前各印一萬本，會再加印各五千本，賣晒唔再加印。」對於陳靜（DaDa）積勞成疾病倒入院，卻被指博宣傳，李蘊力撐DaDa：「佢真係病咗，我有打畀佢，佢唔係博宣傳，我都擔心佢。」
撐鄭先生專一
問到有何宣傳絕招？劉欣宜說：「已經簽咗二百幾本今（昨）日賣，唔會喺書展親筆簽名，雖然對唔住fans，但要守規矩，驚畀人趕，之後我哋有簽名會。」兩女其後在布景板上簽名留念。提到周秀娜推出3D DVD，她們說：「我哋都有2D DVD，係寫真幕後花絮。（怕唔怕比較？）唔諗得咁多，2D同3D製作唔同。」劉欣宜又稱稍後會主力在樂壇發展，今次可能是最後一本寫真集。
當李蘊與劉欣宜準備離開，有「周秀娜狂迷」之稱的鄭先生又出現，並自稱此來是支持李蘊。鄭先生受訪時，剛巧李蘊站在他身旁，令李蘊略為尷尬。有記者問鄭先生之前支持周秀娜，現在又支持李蘊，是否「不專一」？他答：「Chrissie（周秀娜）在心中。我作咗首歌賀李蘊生日，李蘊好有愛心，又鍾意動物，多才多藝。」李蘊亦撐鄭先生不花心，之後兩女與鄭先生合照時更一齊擺嘟嘴、蘭花手和叉腰等甫士。
手拖手睇大床
兩女離開書展即換衫到茶餐廳醫肚，期間巧遇本報記者，她們表示會再進場買書，最後買了Angelababy、Chrissie和Jessica C.的寫真集。劉欣宜說：「Baby係我心目中女神。（Chrissie呢？）都欣賞。（咁JC？）佢好大膽，佢全裸玩蛇張相好靚，又唔低俗。」
另外，由於寫真集銷情不俗，令劉欣宜的事業有起色外，原來她的戀情亦有着落。日前她與4anda成員Jason甜蜜行街，兩人以鮮色情侶裝拍拖逛傢俬店，期間情不自禁拖手，令戀情正式曝光。兩人更專攻雙人床及攬枕，未知是否共賦同居？
文：專案組