筱靖不屑拍o靚模抗命被警告
亞視不理輿論壓力，請來浸大E神楊梓瑤（Carol）加「冬甩」等o靚模上陣演出拋胸節目《青春無敵FreeD水運會》來打「港姐」決賽，錄影前夕卻傳來Carol受無綫壓力而辭演，改由「妄攝女」Debby頂上。不過，亞姐不屑與o靚模同列，當中筱靖更加拒演而收到亞視的警告信。
亞視原打算找亞姐及旗下女藝人，加上o靚模一同以性感泳裝大玩遊戲，對撼八月一日的《香港小姐競選》。惟亞姐與女藝人均不屑與o靚模同騷，筱靖與戚黛黛一同辭演。但因戚黛黛是合約藝員，有權推Job，相反亞姐筱靖與亞視是經理人關係，結果筱靖被公司「照肺」兼收警告信。
亞姐模唔同Level
筱靖隨後在微博上載警告信作無聲喊冤，並於昨日表示：「入行至今我都未推過job，但亞姐同o靚模真係兩個Level，所以我唔想做，咁都收警告信只覺好無奈。」
亞視高層鄭偉強昨承認向筱靖發警告信，但理由是她未有請假而推Job，又謂公司唔會逼佢哋着泳裝。此外，節目監製Albert承認臨陣以Debby頂上，但對Carol是否受壓而辭演卻不置可否。Carol的經理人昨日亦表示因檔期不合未能演出，無綫並無施壓。至於Carol回應亞姐嫌棄o靚模時說：「人哋家事唔到我理。」
文：影視組