秋生寸o靚模古靈精怪

早前寸爆o靚模的黃秋生昨日出席「電影專業培訓計劃」記者會，問到會否到書展？他說：「冇晒啲古靈精怪嘢咪去囉，間屋冇鬼咪入伙囉！」對於有o靚模會到書展突擊，秋生說：「每個巿民都有資格去，但話晒畀人知條內褲係咩顏色嘅行為就奇怪少少。」他又不擔心行書展會碰見o靚模：「我一路都係講唔好搞亂書展規則，但講嗰啲又唔係寫嗰啲，答嗰啲又唔係講嗰啲，講到離天萬丈，好似鬧交咁！我講性工作者同妓女都係打個比方啫，唔鍾意咪用聖女貞德嚟比喻囉，佢鍾意咪當自己係囉，到時又有其他團體嚟反對。」此外，名模Lisa S.與新人白梓軒昨日到旺角為收費電視電影台宣傳。提到「妄攝」o靚模在附近舉行活動，Lisa笑說：「我同o靚模唔同㗎，如果我着比堅尼會仲多人圍，但係冇身材就冇人睇！」