申嬌行埋撻出結晶

阿嬌與方力申一對緋聞情侶，破天荒和不避嫌地在英皇電影《出水芙蓉》合作，令二人的緋聞真確性火上加油。阿嬌坦言二人的合作的確來得不易，因為公司怎會找其他公司的男藝人合作拍攝？今次戲中更飾演情侶，可說是相當難得的一次機會。

介意稱賤男

雖然與方力申傳出緋聞，但阿嬌坦言今次合作沒有半點尷尬，她說：「話明係緋聞，當然唔會尷尬，大家都係演員，唔會因為呢啲嘢而避忌。」雖說緋聞能助長人氣和見報，但阿嬌一概敬謝，更直認不喜歡緋聞，她說：「最好唔好，會好煩。記者見一次問一次，就會影響咗當日嘅活動。」

方力申則表示明白香港娛樂圈的運作，炒作和緋聞在所難免，他說：「話明係娛樂、八卦新聞，最重要係得到平衡唔好太過火，如果用到賤男字眼就當然會好介意，緋聞蓋過藝人付出過嘅努力就唔好。」

更珍惜擁有

阿嬌和方力申都視英皇電影《出水芙蓉》為心血結晶品，二人對電影有相當的期望，可惜電影完成後卻發生了床照事件，令電影一度被傳受到內地封殺，上映無限期押後。阿嬌坦言當日得知消息後感到相當失望和抱歉，她說：「失望一定有，覺得好對唔住大家。」

回想整件事，阿嬌坦言令自己成熟了和長大了，她說：「事件係一件唔開心嘅事，係太任性。嗰件事係我人生中的一個插曲，事件令我成長咗和成熟咗好多。之後我去過四川同其他地方，令我更珍惜自己擁有嘅嘢，每個人都想別人給機會自己。」方力申沒有半點怪責阿嬌還給與體諒，他說：「起初都覺得有啲可惜，因為大家都放咗好多心機落部戲度，不過件事冇人想亦冇人知會發生，我相信好多嘢都係上天安排，可能延遲上映對電影更有幫助。」

獲祖兒開解

在娛樂圈打滾多年，阿嬌與方力申同樣經歷過挫折，床照事件令阿嬌上了寶貴的一課，但卻換來了友情的珍貴，她說：「我同媽咪近幾年先開始正式深入溝通，容祖兒、單立文同劉鎮偉都係我好朋友，我遇到問題佢哋都會開解我，同我分享佢哋嘅經歷，所以遇到問題時朋友會起一個好大嘅作用。」

方力申事業上經常遇到公司人事變動，令發展時間表不時改動，但性格樂觀的他，一直勇於接受未有半句怨言，他說：「我同家人關係好融洽，遇到咩問題大家都會坐低一齊傾，畀咗好多意見我。」

鬥氣冤家鬥整蠱

阿嬌與方力申這對緋聞情侶，原來私底下不時鬥嘴，互不相讓，猶如兩名小童展開口才角力賽。拍照時二人應記者要求擺出多個情深款款的動作，相當合拍。但鏡頭背後二人又表現真我，各搵機會整蠱對方，與其叫做緋聞情侶，不如叫做鬥氣冤家更合適。

文：影視組

場地：Harbour Plaza 8 Degrees Limited

阿嬌

化妝：yanchiu@make360.com.hk

髮型：Daniel@Chin.G

方力申

化妝：Yen Lai

髮型：Vince Pong@il colpo（TST）

服裝：Popissue （Black Heaven）