王菲聞師病危心急如焚
身在北京為明日演唱會記者會準備就緒的王菲，接到老師病危入院消息也心急如焚，阿菲經理人陳家瑛說：「阿菲都有叫我問老師情況點？唔知老師有幾嚴重，阿菲都好急、好着緊，始終都係老師嚟，其實下晝接到老師入院消息，我已經即刻打畀師母，但可能佢哋喺醫院收得唔好，我又SMS佢，但佢哋都冇覆，（阿菲會唔會趕返嚟探老師？）阿菲過兩日就要開演唱會記招，依家都唔知點算，又唔知佢情況點。」
江欣燕於參加無綫《新秀歌唱大賽》時認識戴蘊慧（真真）與戴老師，欣欣與真真更成為了好朋友，昨午欣欣工作時收到真真的電話，得悉戴老師入院，立即趕到醫院探望並陪伴真真，逗留至晚上八時離開醫院返回家中休息，欣欣接受本報電話訪問，透露老師情況有點好轉，她說：「我衷心祝福老師健康，希望佢能夠支持落去。」
劉詩昆下午五點四十五分到，逗留約兩小時後，與徒弟孫穎離開，劉詩昆被問到戴思聰是否昏迷？他沒回應，問到戴思聰說不說到話？劉詩昆表示：「呢個情況下講唔到嘢，（係咪家人通知你嚟？）我係自發性嚟嘅。」