戴思聰昏迷送院 黎明急返探恩師

於樂壇桃李滿門，為黎明、王菲等紅星任歌唱導師，被譽為「樂壇教父」的戴思聰（原名戴斯聰），昨凌晨突然於家中洗手間心臟病發暈倒，被送往灣仔律敦治醫院深切治療部，期間心臟兩度停頓情況不妙，戴思聰於樂壇地位超然，不少歌手都是由戴思聰培育成材，昨入院消息一出，眾徒弟即趕往探望，身在北京的黎明亦派助手子泉了解情況，戴辛尉表示：「黎明好好，佢唔喺香港，都叫咗子泉嚟了解，子泉話黎明原本聽日返港，但為咗老師希望今晚可以改機票返嚟，又叫我哋唔好咁擔心。」

戴辛尉哭到彎腰

江欣燕、馬浚偉、梁佩瑚、林利以及鋼琴大師劉詩昆等昨午亦陸續趕到醫院探望戴思聰，期間還在戴思聰耳邊講一些鼓勵說話，令戴思聰情況好轉了一點點，而在傍晚時分，醫院曾一度出現緊張情況，院方在病房外拉起圍板，記者在深切治療部門外所見，戴思聰家人、江欣燕等都很傷心，戴辛尉更一度哭彎了腰，要現場男親友擁抱安慰，有消息傳出，戴思聰情況並不樂觀，甦醒機會不高，所以戴家正尋找權威醫生幫手作最後努力。

江欣燕到醫院安慰戴蘊慧（左）。	戴思聰太太為丈夫突發入院憂心忡忡。	戴辛尉擔憂父親病情，親友對他加以撫慰。
放大圖片

心臟停頓腦缺氧

昨午記者於醫院追訪陪伴父親入院的戴辛尉，她詳述了父親入院經過，戴辛尉表示：「凌晨二點二十分，爸爸喺屋企暈倒，當時媽咪出咗街，家姐（戴蘊慧）又唔喺屋企，我好慌張，所以打咗999報警，醫護員嚟到嘅時候，爸爸都仲有啲知覺，沿途都醒醒哋，初時以為佢食物中毒，入到醫院，醫生話佢每分鐘得四十幾下心跳，要即刻急救，爹哋心臟都停過兩次，最後醫生用電壓救番佢，醫生話爹哋係急性心臟病，所以要入心臟icu接受治療。」

戴辛尉指因父親心臟曾停頓過，所以腦部亦曾出現缺氧，檢查過後，又發現父親心臟條血管有舊血塊，要打針去溶解，戴辛尉表示：「但因為爹哋暈倒嗰陣曾經撞親額頭，有瘀傷，醫生驚打針頭嘅瘀傷會有問題，最後搞清楚唔會引致內部出血，就照打，個心跳最差去到20、30（每分鐘跳動），醫生話呢廿四小時好重要，如果唔醒就會長期昏迷，亦因為腦部曾缺氧，都擔心會有後遺。」

談到父親平時身體怎樣？她表示：「幾好，平時只係個胃有啲問題，但無家族遺傳心臟病。」問戴辛尉父親有無定期做身體檢查，她眼紅紅表示：「下個星期三要去做身體檢查，但依家搞成咁，希望佢無事。」

馬浚偉希望老師能早日痊愈。

大批記者到場採訪。

發言人指情況穩

昨有大批傳媒在醫院守候，院方除加派保安外，還特別安排了一間房給戴思聰家人休息，昨午記者曾於停車場撞到江欣燕陪伴戴家家人，當中包括戴蘊慧，醫院亦特別安排側門讓戴辛尉等可直接抵達一樓深切治療部。

昨晚八時許，戴家派出發言人交代戴思聰情況，她表示：「戴老師現在情況穩定，所有關心佢嘅學生，都嚟咗或者嚟緊，依家只能夠同大家講，一切要用時間去確實佢嘅病情，所有拯救程序醫生或醫院已做咗，多謝大家關心！」

採訪：影視組、名人組