周秀娜騷胸諸葛甘拜下峰

昨日Chrissie與諸葛梓岐出席在海港城舉行的直升機模型活動，前者身穿一襲性感低胸裝，露出四吋事業線，大受現場人士歡迎，相反諸葛只以短褲仔上陣露長腿，問到是否怕身材被比下去？諸葛說：「佢好好身材，明顯好我好多！」不過，她直言最近fans睇肉睇得多也會滯，故以較sporty的造型示人。

鬥玩放飛機

去年Chrissie大派雪糕冧fans，問她今年有何奇招谷寫真集？她說：「未諗到呀！（派腸仔？）唔會啦！唔衞生呀！天氣又咁熱。」對於有指她將穿紅底踩書展場，Chrissie說：「新年會着紅底，好意頭嘛！咁我都想今年賣得好過舊年。（踩入書展？）或者陪朋友入去睇吓書囉！（驚唔驚被拒入場？）書展都係開放式入場嘅，應該唔會啩！我會靜悄悄入去，唔騷擾到人。」

兩女在現場大玩「放飛機」，Chrissie透露曾在家中試玩直升機模型，模型飛機上更有鏡頭可以拍照，令她大呼得意。至於諸葛亦曾利用模型周圍影相，問到會否怕被偷拍？她說：「模型電力有限，而且咁大部，實睇到啦！」

文：影視組