諸葛豪語：我會嫁唔出咩？
諸葛梓岐（Marie）男友薛嘉麟早前被拍得和 模在遊艇態度親暱，Marie呼籲男友再出海要邀請她，好讓她也見識一下；不過當提到結婚時她相當避忌，又忽然大口氣說：「乜你覺得我會嫁唔出咩？」公主駕到！
昨日又一城舉行「Taste Cool.In Here.」美食揭幕活動，Marie、日本人氣歌手安良城紅、王友良及日本先生今野晴也前來撐場。
不急於做煮飯婆
其中Marie表示平日也會為男友下廚，他亦會大讚好吃；記者笑問薛生何時要她做煮飯婆？Marie迴避說：「我鍾意做嘢先，結婚呢啲嘢係講緣分，暫時都係工作先，努力拚吓。（等多幾多年？）順其自然啦，要發生嘅事自然會嚟。」不怕男友不娶她嗎？Marie即公主上身：「乜你覺得我會嫁唔出咩？不過我鍾意工作。（佢對你有冇承諾？）我哋依家好開心，多謝關心！」
跟男友出海見識
對於早前薛生被拍得在遊艇上攬女？Marie表示已成過去，亦相信男友；夏天到來會否禁止男友再遊船河？她笑說：「唔會，夏天遊船河幾舒服開心呀，上次佢都有叫我，但我有嘢做之嘛。（出海好多比堅尼女郎？）叫埋我去，我都想見識吓！」
首次來港的安良城紅，最愛香港夜色和美食，點心及麻婆豆腐是至愛；問到有否留意香港藝人？她笑言只認識周潤發。
文：名人組